मेलबर्न अष्ट्रेलिया । आजबाट विदेशी विद्यार्थीहरूले अष्ट्रेलियामा हप्तामा २४ घण्टा काम गर्न पाउने भएका छन्। हप्ताको २० घण्टा कामको सिलिङ बढाउँदै २४ घण्टा पुर्याएको अष्ट्रेलियाको शिक्षा मन्त्रालयलयले जनाएको छ।

विदेशी विद्यार्थीहरूले स्नातक वा स्नातकोत्तर सकेपछि पूर्णरूपमा काम गर्न पाउनेगरी प्राप्त गर्ने भिसाको समयलाई अष्ट्रेलियाले थप गर्ने भएको छ।

हाल विद्यार्थीहरूले पढाइ सकेपछि २ वर्षका लागि प्राप्त गर्ने भिसाको समयावधि अब बढाउन लागिएको हो। संशोधित नयाँ कानुन अनुसार अब स्नातक सक्ने विद्यार्थीले चार वर्षको पीएसडब्लु भिसा पाउने छन्।

यस्तै स्नातकोत्तरका विद्यार्थीले ५ वर्ष र विद्यावारिधि तहका विद्यार्थीले ६ वर्ष त्यस्तो भिसा प्राप्त गर्न सक्ने बताइएको छ। नयाँ नियमले अष्ट्रेलियामा रहेका नेपाली र अन्य विदेशी विद्यार्थीलाई आर्थिक राहत मिल्ने विश्वास गरिएको छ।

यो पनि…