मेलबर्न अस्ट्रेलिया ।

एन्मेक रोयल कप फुटबलको उपाधि रोयल वेस्टर्न फुटबल क्लबले जितेको छ । रोयल वेस्टर्न क्लबको आयोजनामा मेलबर्नको डेराबिन स्टेडियममा भएको खेलमा रोयलले यती फुटबल क्लब (रातो) लाई १–० को गोल अन्तरले हराउँदै उपाधि कब्जा गरेको हो ।

जितसँगै रोयलले ४ हजार ५ सय अस्ट्रेलियन डलर र ट्रफी जित्यो । रोयलका लागि हेमन गुरुङले एकमात्र गोल गरेका थिए । निकै प्रतिस्पर्धात्मक बनेको खेलमा हेमनको गोल नै निर्णायक बन्यो ।

उत्कृष्ट खेलाडीको उपाधि रोयलका हेमन गुरुङले जिते भने उत्कृष्ट गोलकिपर रोयलकै रोहित कार्की भए । युनाइटेड फुटबल क्लबका दर्शन गुरुङले उच्च गोलकर्ता भए । उत्कृष्ट खेलाडीले नगद पुरस्कार पाए ।

अस्ट्रेलियन माइग्रेसन एन्ड एजुकेसन कन्सल्टेन्सीको प्रायोजन गरेको उक्त प्रतियोगितामा १५ फुटबल टिमको सहभागिता रहेको थियो।