मुम्बई । भारतीय अभिनेता सुनिल शेट्टीकी छोरी आथिया शेट्टीसँग क्रिकेटर केएल राहुलले विवाह गरेका छन्। उनीहरूको सोमबार सुनिलको खण्डलास्थित फार्महाउसमा बिहे सम्पन्न भएको भारतीय सञ्चारमाध्यमहरूले जनाएका छन् ।

आथिया र राहुलको विवाहमा परिवार, आफन्त, साथीभाइ र निकटका व्यक्तिहरू उपस्थित भएका थिए। बिहेपछि आथिया र राहुलले आफ्नो इन्स्टाग्राममार्फत् आफ्नो बिहेको तस्बिर सार्वजनिक गरेका छन् ।

उनीहरूले तस्बिर राख्दै लेखेका छन्, ‘आज हाम्रा प्रियजनहरूको उपस्थितिमा हामीले बिहे गरेका छौं । हामी यो यात्रामा सबैको आशीर्वादको कामना गर्छौं ।’

उनीहरूको बिहेको कुनै तस्बिर वा भिडिओ लिक नहोस् भनेर विवाहमा पाहुनालाई मोबाइल समेत बोक्न दिएको थिएन।