सिड्नी, अष्ट्रेलिया ।

अष्ट्रेलियामा कुनै नेपाली कलाकारले ६ हजारभन्दा बढी दर्शकका माझ सिड्नीमा कन्सर्ट गरेको पहिलो पटक नयाँ ईतिहास कायम भएको छ । अहिलेको युवा दर्शकहरुको ढुकढुकी सज्जनराज वैद्यको कन्र्टमा ६ हजारभन्दा बढी दर्शक सहभागी भएका हुन् । दर्शकहरुले भरपूर स्टेजमा जब उनी उक्लीए त्यसपछि उनीसँगै सबै गाउँदै थिए उनका भाकाहरु ।

शनिबार १४ जनवरीमा मेलबर्नको फेष्टिभल थियटरमा उनले कन्सर्ट गर्दैछन् । तीन हजारभन्दा बढी दर्शक क्षमता रहेको हल पूरै भेरिने अपेक्षा आयोजक हैट ईभेन्टसको रहेको छ । शुक्रबार आयोजना गरिएको मिट एण्ड ग्रिटमा सहभागी भएका सज्जनले मेलबर्नको कर्याक्रममा सहभागी हुन सबैलाई आग्रह गरेका थिए ।

मिट एण्ड ग्रिटमा उपस्थित सबैसँग एकदमै सहज रुपमा प्रस्तुत भएका उनीसँग फोटो खिच्न र मात्र एउटा अटोग्राफका लागि कुरिरहेका दर्शकहरु उनलाई देखेपछि निकै उत्साही बनेका थिए । कतिपय उनलाई अघिल्तिर देखेर आँखामा आँशु थाम्न सकिरहेका थिएनन भने कतिपय सेल्फी खिच्नमा व्यस्त देखिन्थे ।

मेलबर्नको फेष्टिभल थियटरमा आज शनिबार राति ८ बजेबाट कन्सर्ट सुरु हुनेछ भने गेट ७ बजे नै खुल्ला हुने आयोजक पक्षले जानकारी दिएको छ । टिकट लिन यहाँ क्लीक गर्नुहोस् । Tickets Click Here