यतिबेला युवाहरुको सांगीतिक ढुकढुकी बन्न सफल गायक सज्जनराज वैद्यको पहिलो अष्ट्रेलिया टूर यो जनवरीमा हुँदैछ । अष्ट्रेलियाका चार ठूला शहरमा मात्र राखिएको कन्सर्टको पहिलो संस्करण मेलबर्नमा यो शनिबार १४ जनवरीमा हुँदैछ ।

यसअघि शुक्रबार गायक वैद्य र उनको टिमको साथमा मिट एण्ड ग्रिट कार्यक्रम राखिएको मेलबर्नको कन्सर्ट आयोजक हैट क्रियसनका ईराकु लामाले जानकारी दिए । उनका अनुसार शुक्रबारको मिट एण्ड ग्रिटमा गायकसँग भेट्ने र फोटो खिच्ने अवसर प्राप्त हुनेछ ।

यसपटक कन्सर्ट फेष्टिभल हलमा हुँदैछ । मेलबर्नको डुडली स्ट्रीटमा रहेको हलमा तीन हजारभन्दा बढी दर्शक क्षमता छ । शनिबार राति ८ बजेपछि कन्सर्ट सुरु गरिनेछ । टिकट लिन यहाँ क्लीक गर्नुहोस्