तास्मानिया होबार्ट । तमु समाज तास्मानियाले गुरुङ समुदायको नयाँ वर्षमा मनाउने ‘तमु ल्होसार’ मनाएको छ । समाजले तास्मानियाको न्यु टाउनमा रहेको पोलिस क्लब होबार्टमा एक कार्यक्रमकाबीच ‘तमु ल्होसार’ भव्यताका साथ सम्पन्न गरेको हो । 

‘हाम्रो संस्कृति हाम्रो पहिचान’ भन्ने मुला नाराका साथ भएको उक्त कार्यक्रममा गुरुङ समुदायको पुजारीबाट पुजा, गुरुङ समुदायको नाच, म्युजिकल चियर लगायतका विभिन्न कार्यक्रहरु भएका थिए । कार्यक्रममा गुरुङ समुदायका युवायुवतीले आफ्नो भेसभुसामा सजिएर नित्य प्रस्तुत गरेका थिए।

केबीसी खबरसँग कुराकानी गर्दै तमु समाज तास्मानियाका अध्यक्ष महेन्द्र गुरुङले विदेशी भूमिमा रहेर पनि आफ्नो संस्कृतिको जगेर्ना गर्न पाउँदा एकदमै गौरव महसुस भएको बताए। कार्यक्रममा बाक्लो उपस्थिति रहेको भन्दै उनले आगामी वर्षहरूमा पनि कार्यक्रमलाई निरन्तरता दिने प्रतिबद्धता जनाए ।