मेलबर्न अस्ट्रेलिया ।

थारु समुदायको मुख्य पर्व माघीको अपसरमा अस्ट्रेलियाको सिड्नीमा ‘माघी महोत्सव’को आयोजना गरिने भएको छ । थारु सोसाइटीले सिड्नीमा तेस्रो पटक विविध कार्यक्रमसहित ‘माघी महोत्सव’ गर्न लागेको हो। 

थारु सोसाइटीको आयोजनामा जनवरी १५ तारिख आइतबारका दिन मध्यान्ह १२ बजेबाट विटलाम पार्कमा माघी पर्व हर्ष उल्लासका साथ मनाउने तयारी भइरहेको सोसाइटीका पब्लिक अफिसर अरुण आर्यन चौधरिले जानकारी दिए।  

कार्यक्रम स्थल टेम्पी रेल स्टेसनबाट छोटो पैदल दुरीमा रहेको भन्दै थारु रीति रिवाज अनुसारका नाचगान र खानपिनसहित हुने सो कार्यक्रममा उपस्थितिको लागि थारु सोसाइटी अफ अष्ट्रेलियाले सम्पूर्ण थारु समुदाय लगायत सबै नेपाली दाजुभाइ-दिदीबहिनीलाई अनुरोध गरेको छ।

कार्यक्रमबारे थप जानकारीका लागि अरुण चौधरी लाई 0401435959 वा संस्थाका अध्यक्ष दीप नारायण चौधरीलाई 0411688798 सम्पर्क गर्न सकिने छ।