काठमाडौँ ।

कतारमा जारी विश्वकपको फाइनल खेलमा अर्जेन्टिनाले २ गोलले अग्रता लिएको छ। लुसेल रंगशालमा जारी अर्जेन्टिनाले फ्रान्सको खेलमा अर्जेन्टिनालाई अग्रता दिलाउन कप्तान लियोनल मेस्सी र एन्जिल डी मारियाले गोल गरे।

खेलको २३औं मिनेटमा मेस्सीले पेनाल्टी मार्फत गोल गर्दै अर्जेन्टिनालाई अग्रता दिलाएका थिए। डी मारियाले खेलको ३६औं मिनेटमा गोल गर्दै अर्जेन्टिनाको अग्रता दोब्बर पारेका हुन्। म्याकलिस्टरले दिएको पासलाई डी मारियाले गोलमा परिणत गरेका थिए। योसँगै पहिलो हाफमा अर्जेन्टिना २–० ले अग्रता लिएको छ।