मेलबर्न अष्ट्रेलिया । अष्ट्रेलियाको सिड्नीमा एक नेपाली विद्यार्थी मृत भेटिएकी छन् । दुई हप्ता अगाडी दुई नेपाली विद्यार्थीको मृत्यु भएको अष्ट्रेलियामा फेरी सोमबार सिड्नीको ह्यारिस पार्कमा थप एक नेपाली युवतिको शव फेला परेको हो।

घटनाबारे न्यु साउथ वेल्स प्रहरीले अनुसन्धान गरिरहेको छ। मृतक युवतिको विवरण भने गोप्य राखिएको जानकारी दिइएको छ। अष्ट्रेलियामा २ हप्तामा नेपालीको मृत्यु भएको यो तेस्रो घटना हो। यसअघि शनिबार बुटवल घर भएका खगेन्द्र भुसालको र म्याग्दी घर भएका नारायण सुवेदीको मृत्यु भएको थियो।