मेलबर्न, अष्ट्रेलिया ।
अष्ट्रेलियाको मेलबर्नमा आजबाट एक्सपर्ट सगरमाथा ब्लूज क्रिकेट क्लबको आयोजनामा ऋचा मेमोरियल एक्सपर्ट सगरमाथा लिग सुरु हुने भएको छ । आगामी डिसेम्बर १८ तारिखसम्म चल्ने लिगमा सहभागी हरेक टिमले एक अर्कासँग खेल खेल्नेछन् भने अन्तिममा अंकका आधारमा आफ्नो समूह विजेता टिमले अर्को समूहविजेता टिमसँग फाईनल खेल्नेछ ।
एक्सपर्ट एजुकेशन एण्ड भिसा सर्भिसेज प्रमुख प्रायोजक रहेको प्रतियोगिताको जानकारी दिन आयोजना गरिएको पत्रकार सम्मेलनमा दिइएको जानकारी अनुसार क्रिकेट प्रतियोगितामा कूल ८ टिम सहभागी हुनेछन् । एक्सपर्ट सगरमाथा ब्लूज, दि हिमालयन क्लब, माभेन क्रिकेट क्लब मेलबर्न, फार वेष्टर्न हन्टर्स क्रिकेट क्लब, रोयल राईनोज क्रिकेट क्लब, एभरेष्ट लायन क्रिकेट क्लब, गोर्खाली क्रिकेट क्लब र ब्राईटन एभरेष्ट युनाईटेड क्रिकेट क्लबबीच प्रतिस्पर्धा हुँदैछ ।
यस्तो छ लिग चरणको खेलको तालिका
प्रतियोगिताको विजेताले २५ सय डलर नगद पुरस्कार सहित लिग ट्रफी प्राप्त गर्नेछ भने उपविजेताले एक हजार डलर र ट्रफी प्राप्त गर्नेछ । पत्रकार सम्मेलनमा सहभागी एक्सपर्ट एजुकेशन एण्ड भिसा सर्भिसेज मेलबर्नका निर्देशक सरोज शर्माले खेलाडीहरुलाई प्रतिस्पर्धी भावनाले खेल्न अनुरोध गरेका थिए । यस्तै अन्य प्रायोजकहरुले पनि प्रतियोगिता सफलताको कामना गर्दै आफुहरुको साथ रहने प्रतिबद्धता जनाएका थिए ।
हेर्नुहोस् भिडियो
प्रतिक्रिया