काठमाडौँ । आइतबार एक युवतीले निलम्बित प्रधानन्यायाधीश चोलेन्द्रशमशेर राणाकी छोरी दाबी गर्दै मिडियालाई दिएको अन्तरवार्ता निकै भाइरल बन्यो। न्युज एजेन्सी नेपालसँग दिएको अन्तरवार्ताले नेपालका अनलाइन मिडियाले प्रथामिकताका साथ स्थान दिएका थिए।

अन्तरवार्तामा पत्रकारले नाम सोध्दा हच्किएकी ती युवतीले आफु चोलेन्द्रको छोरी सुनिधि राणा भएको बताइन्। निलम्बित प्रधानन्यायाधीशको बालुवाटारस्थित सरकारी निवासबाट बाहिरिने क्रममा ती युवतीले आफुमाथि अन्याए भएको भन्दै नेपाली जनतालाई आन्दोलित हुन आह्वान पनि गरिन्।

सरकारले राणा परिवारलाई निवासबाट बाहिर निस्कन नदिएको भन्दै आक्रोस पोखिन्।सरकार र वरिष्ठ अधिवक्ताहरूविरुद्ध खनिएकी ती युवती चोलेन्द्रकी छोरी नभएको प्रमाण फेला परेको छ।

सिलापत्र अनलाइनका अनुसार, राणाकी सुनिधि नामकी कुनै छोरी छैनन् । उनका दुई श्रीमतीमध्ये जेठी उमा हमालतर्फबाट छोरी श्रृष्टि र छोरा सचिन्द्र शमशेर छन् । स्टोभ पड्किएर उमाको मृत्युपछि राणाले दोस्रो बिहे गरेका थिए । दोस्रो श्रीमतीतर्फबाट छोरी समृद्धि मात्र छिन् ।

राणानिवासबाट निस्किँदै गर्दा अन्तर्वार्ता दिएकी युवती हुन्– दैलेखकी मीना जैसी । उनको घर दैलेखको साविक चामुण्डा गाविस हालको चामुण्डा(बिन्द्रासैन नगरपालिका हो । स्थानीय देवीराम जैसीका दुई छोरीमध्ये उनी जेठी हुन् ।

मीनाले दैलेखबजारस्थित सनराइज इङ्ग्लिस बोर्डिङ स्कुलबाट एसएलसी उत्तीर्ण गरी उच्च शिक्षाका लागि काठमाडौं आएकी हुन् । राणा परिवारसँग उनको वास्तविक साइनो के हो खुलेको छैन ।