काठमाडौं । चर्चित गायिका विष्णु माझीले तीजको अवसरमा ‘चरी जेलैमा’को सिक्वेलको रुपमा ‘चरी जेलैमा २’ सार्वजनिक गरेकी छिन् । गायिका विष्णु माझीको स्वरमा गत वर्ष निकै चलेको तीज गीत ‘चरी जेलैमा’ तीजको छेकोमा सार्वजनिक भएको हो ।

गायिका माझीको स्वर रहेको गीतमा शब्द तथा संगीत माझीका श्रीमान् सुन्दरमणि अधिकारीको छ ।

गीतमा ललिता पौडेलको अभिनय रहको छ भने यसलाई शम्भु चालिसेले छायाँकन गरेका हुन् । गीतको भिडियोमा निर्देशन पनि अधिकारीको नै रहेको छ । अघिल्लो पटक निकै चर्चित भएको यसको दोश्रो संस्करणमा केही फरकपन आउने विश्वास गरिएपनि लय, शब्द र अभिनय गर्ने कलाकार समेत उनी राखेर गीत निकालिएको छ । दर्शक श्रोताहरु अघिल्लो गीत हो कि नयाँ भन्नेमै झुक्किने खालको भिडियो सार्वजनिक भएको छ ।