काठमाडौं । भदौ २३ र २४ गते भएको घटनाको छानबिन गर्न बनेको जाँचबुझ आयोगले तत्कालीन गृहमन्त्री रमेश लेखकलाई बयानका लागि पत्र काटेको छ। आन्दोलनमा धेरैजनाको गोली लागेर ज्यान गएपछि राजीनामा दिएका गृहमन्त्रीलाई कसको आदेशले यस्तो भएको हो भन्ने विषयमा बयान लिन खोजिएको हो ।

मंगलबार आयोगले बयानका लागि लेखकलाई शुक्रबारका लागि बोलाउने गरी पत्र लेखेको अध्यक्ष गौरीबहादुर कार्कीले जानकारी दिएका छन् ।

आयोगले भदौ २३ र २४ गतेसँग सम्बन्धित घटनामा संलग्न अधिकांस व्यक्तिहरूको बयान लिइसकेको छ। यस्तै अन्तिममा अब लेखक र पूर्वप्रधानमन्त्री केपी शर्मा ओलीको पनि बयान लिने तयारी गरिरहेको हो।

ओलीलाई पनि पत्र नै काटेर बयानमा बोलाउने आयोगको तयारी छ।