काठमाडौँ । डान्सिङ समूह ‘दी कार्टुन्ज क्रु’ ले वेब सिरिज ‘अन्तिम यात्रा’ को पोस्टर सार्वजनिक गरेको छ । सिरिजको निर्माण, कथा, पटकथा र निर्देशन सरोज अधिकारीले गरेका छन् भने कार्यकारी निर्मातामा विजय अधिकारी छन् । पोस्टरले कथावस्तु, चरित्र चित्रण र मनोदशा दर्शाएको छ ।

सिरिजमा सरोज अधिकारी, सिजल गौतम, विजय अधिकारी, सौरभ ढकाल, निश्चल कार्की, ज्योति खड्कालगायतका कलाकारको अभिनय छ । शङ्कर भुजेलको छायाङ्कन तथा अधिकारीको सम्पादन रहने सिरिज एडभेन्चर, हास्य, प्रेम, हरर जनरामा बनेको छ । सिरिज कार्टुन्ज क्रुको युट्युब च्यानलमा स्ट्रिमिङ हुने छ ।