काठमाडौँ ।

महिला र पुरुष टी-२० विश्वकप क्रिकेटको पुरस्कार रकम बराबर बनाइएको छ । अन्तर्राष्ट्रिय क्रिकेट परिषद् (आईसीसी) ले ऐतिहासिक निर्णय गर्दै महिला र पुरुष टी-२० विश्वकप क्रिकेटको पुरस्कार रकम बराबर बनाएको हो ।

महिला टी-२० विश्वकप २०२४ को लागि आईसीसीले ७९ लाख ५८ हजार अमेरिकी डलर कुल पुरस्कार घोषणा गरेको छ । योसँगै महिला र पुरुष विश्वकपका लागि समान पुरस्कार हुने भएको हो ।

यो अघिल्लो संस्करणको तुलनामा २२५ प्रतिशतले बढी हो । अब महिला टोलीका विजेताले २.३४ मिलियन डलर तथा उपविजेताले १.१७ मिलियन डलर पुरस्कार प्राप्त गर्ने छन् । जुन पुरुष टोलीको बराबर नै हो ।

सन् २०२४ को महिला टी-२० विश्व कप संयुक्त अरब इमिरेट्समा हुँदैछ ।