एडिलेड। एडिलेडमा जारी एक्सपट एन्का सुपर लिगको फाइनल खेलमा भिएक्सएल टिटान्सले विजय हासिल गरेको छ । गत बर्षको लिग विजेता एभरेष्ट स्ट्राइकरको रोमाञ्चक खेल खेल्दै टिटान्सले विजय हासिल गरेको हो ।

पहिला व्याटिङ गरेको स्ट्राईकरले २० ओवरमा ८ उइकेटको क्षतिमा १०३ रन बनाउन सफल भएको थियो भने दोस्रो पालीमा व्याटिङ गर्दै भिएक्सएल टिटान्सले १९.४ ओवरमा ८ उइकेटको क्षतिमा १०४को लक्ष्य पुरा गरेर जित हासिल गरेको हो । खेलमा भिएक्सएल टिटान्सका क्याप्टेन आशिष पोखरेल म्यान अफ द म्याच भएका थिए ।

लिगको समापन कार्यक्रममा विजयी टिमलाइ रनिङ शिल्ड, अष्ट्रेलियन डलर २५०० सहित खेलाडीहरुलाइ मेडल प्रदान गरिएको थियो भने उप विजेता टिमलाइ अष्ट्रेलियन डलर १००० सहित खेलाडीहरुलाई मेडल प्रदान गरिएको थियो । समापन कार्यक्रममा एन्का अध्यक्ष विजय जोशीले खेलाडी अफिसियल सहित सबै सहयोगीहरुलाई धन्यवाद ज्ञापन गर्नु भएको थियो ।

विजेता टिमका तर्फबाट कप्तान आशिष पोखरेल र उप विजेता टिमका तर्फबाट सुनम गौतमले सहकर्मी खेलाडी, आयोजक, अफिसियल, दर्शकहरुलाई धन्यवाद ज्ञापन गर्नु भएको थियो ।