मेलबर्न अष्ट्रेलिया ।

गायक सुगम पोखरेलले एडिलेड कन्सर्टमा दर्शकलाई माइकले झटारो हानेका दृश्य सामाजिक सञ्जालमा भाइरल भएका छन्। अष्ट्रेलियाको एडिलेडमा कन्सर्टका लागि उपस्थिति सुगमले शनिबार भूकम्पमा परी दिवंगत भएकाका नाममा एक मिनेट मौन धारणका लागि अनुरोध गरेका थिए। यही क्रममा विवाद बढ्दै गएपछि सुगमले दर्शकलाई ताकेर झटारो हानेको भिडियोमा देखिएको छ।

झटारो हानेको कुराले विवादमा परेपछि आइतबार सुगम पोखरेलले टिकटकमा भिडियो राख्दै दर्शकले मौन धारण गरौँ भन्दा नमानेपछि ‘रियाक्सन’ दिएको बताएका छन्। ‘म नेपाली हुँ। देशलाई दुख्दा मलाई पनि दुख्छ। अहिले भुइँचालोका कारण देश दुखिरहेको छ। हिजोको कार्यक्रममा मौन धारण गरौँ भन्दा के भयो त्यो तपाईँहरूले भिडियोमा देख्नु भएकै छ। मेरो एक्सनको रियाक्सन त्यसकै कारणले मात्र थियो। कसैको नेपाली मनलाई चित्त दुखाएँ भने क्षमा चाहान्छु। तर जहिले पनि संगीतको सेवा गर्नेछु,’सुगमले भिडियोमा भनेका छन्।

आयोजकले भने सामाजिक सञ्जालमार्फत माफी मागीसकेको छ। गायक पोखरेलले भने आयोजक र दर्शकलाई दोषी देखाउँदै पन्छिन खोजेका छन्। उनले भिडियोमा हल्का रुपमा माफी मागेका छन्।

सुगम अहिले अष्ट्रेलियाका विभिन्न सहरमा कन्सर्ट गरिरहेका छन्।

यो पनि…