मुम्बई । भारतीय अभिनेता सञ्जय दत्त घाइते भएका छन् । फिल्म ‘केडीः द डेभिल’ को सेटमा दुर्घटना हुँदा सञ्जय घाइते भएका हुन् । दुर्घटनामा सञ्जयलाई धेरै चोट लागेको भारतीय सञ्चारमाध्यामले जनाएका छन् ।

घटनामा सञ्जयको कुहिनो, हात र अनुहारमा चोट लागेको छ । सोही घटनापछि फिल्मको सुटिङ रोकिएको छ । सञ्जयको स्वास्थ्य अवस्था अहिले ठिक रहेको बताइएको छ ।

सञ्जयको यो फिल्म सत्य घटनामा आधारित रहेको छ । फिल्मले सन् १९७० को दशकमा बैंगलोरमा घटेका घटनालाई चित्रण गर्नेछ । यस फिल्ममा सञ्जय पुनः एक पटक भिलेनको भूमिकामा देखिने भएका छन्।