काठमाडौँ, २८ मंसिर । संघीय संसद्को प्रतिनिधिसभाको अर्को बैठक पुस ६ गते दिउँसो १ बजे बस्ने भएको छ । मंगलबार बसेको पहिलो बैठकमा प्रमुख प्रतिपक्षी दल नेकपा (एमाले)को अवरोधबीच सभामुख अग्निप्रसाद सापकोटाले संसद्को कारबाही कार्यसूची अनुसार अगाडि बढाउनुभएको थियो । प्रतिपक्षी दलको अवरोधबीच संसद्मा केही अध्यादेश पेश भएका छन् । प्रतिपक्षी दलले अवरोध कायम गरेपछि सभामुख सापकोटाले गृहमन्त्रीको तर्फबाट कानुन न्याय तथा संसदीय मामिलामन्त्री दिलेन्द्रप्रसाद बडूलाई अध्यादेश पेश गर्न अनुमति दिनुभएको थियो ।
मन्त्री बडूले नेपाल प्रहरी र प्रदेश प्रहरी (कार्य सञ्चालन, सुपरीवेक्षण र समन्वय) (पहिलो संशोधन) अध्यादेश, २०७८, तेजाब तथा अन्य घातक रासायनिक पदार्थ (नियमन० अध्यादेश, २०७८, सामाजिक सुरक्षा (पहिलो संशोधन) अध्यादेश, २०७८ पेश गर्नुभएको छ ।