मेलबर्न अष्ट्रेलिया । गिरिश इभेन्ट एण्ड इन्टरटेनमेन्टले एडीलेडमा भव्य कन्सर्ट गर्न लागेको छ । फेब्रवरी १७ तारिख शुक्रबारका दिन हुने उक्त कन्सर्टमा अष्ट्रेलिया टुरमा रहेको भ्वाइस अफ नेपालको टीमले सांगीतिक प्रस्तुति दिनेछ ।

ग्रेस इन्टरनेस्नल एजुकेशन माइग्रेसन मुख्य प्रयोजक रहेको उक्त सांगीतिक कार्यक्रममा भ्वाइस अफ नेपाल म्युजिक नाइटमा गायक प्रमोद खरेल, दि भ्वाइस अफ नेपाल सिजन–३ का विजेता किरन गजमेर, सिजन–४ का बिजेता करण राई, सिजन–४ का टप १० फाइनलिस्ट वर्षा इतानी, सिजन–२ का आरिफ राउफ ले प्रस्तुति दिने छन् । कार्यक्रम संचालन सुशिल नेपालले गर्नेछन्।

कन्सर्ट फेब्रवरी १७ तारिख डोम पोल्स्की सेन्टरमा हुने उक्त कार्यक्रमको सम्पुर्ण तयारी पुरा भएको गिरिश इभेन्ट एण्ड इन्टरटेनमेन्टका निर्देशक गगन गीरीले जानकारी दिए ।