काठमाडौँ ।

नेकपा (एमाले)का पूर्व उपमहासचिव घनश्याम भुसाल नेकपा (एकीकृत समाजवादी) मा प्रवेश गरेका छन्। शुक्रबार काठमाडौंमा आयोजित एक कार्यक्रमबीच एकीकृत समाजवादीका अध्यक्ष माधवकुमार नेपालले भुसाललाई पार्टीमा स्वागत गरेका हुन्।

एमाले छोडेको तीन महीनापछि भुसाल एकीकृत समाजवादीमा प्रवेश गरेका छन्।

पार्टी प्रवेश कार्यक्रममा बोल्दै भुसालले एमाले अध्यक्ष केपी शर्मा ओलीको आलोचना गरे। ओलीवाद विरुद्ध विद्रोह गरेकाले आफूले एकीकृत समाजवादी रोजेको प्रतिक्रिया दिए ।