तास्मानिया होवार्ट ।

तास्मानिया नेप्लिज क्रिकेट एशोसियसनले आयोजना गरेको दशैं सुपर सिक्सको उपाधि गोर्खा लेजेन्ड (ए) ले जितेको छ । अक्टोबर २ तारिख भएको खेल गोरखामा लेजेन्ड (ए) ले ४५ रनले काठमाडौँ वरिअरलाई हराउँदै उपाधि जितेको हो।

दुई दिनसम्म चलेको खेलमा वेष्ट व्यट्सम्यानको उपाधि गोविन्द कार्कीले पाए भने वेष्ट बलरको उपाधि राज पौडेल, प्लेयर अफ द सिरिजको उपाधि किरण पाण्डे र धेरै छक्का प्रहार गर्ने सुन्दर कँडेल पुस्कृत गरिएको थियो ।

खेलमा उपाधि जितेको गोर्खा लेजेन्ड (ए) ले एक हजार अष्ट्रेलियन डलर नगद ट्रर्फि प्रमाणपत्र पाएको छ । यस्तै उपविजेता बनेको काठमाडौँ ओरिवरसले ५ सय अष्ट्रेलियन डलर ट्रफि प्रमाणपत्र पाएको छ । होबार्टस्थित सांस्कृतिक भवनमा भएको पुरस्कार वितरण समारोहमा होबार्ट सिटी काउन्सिलका मेयर एनन रनअल्स स्थानीय नेता जस वीलीको पनि उपस्थिति रहेको थियो ।

कार्यक्रममा बोल्दै तास्मानिया नेप्लिज क्रिकेट एशोसियसनका अध्यक्ष बाबु न्यौपानेले सुपर सिक्स सम्पन्न गर्न सहयोग गर्ने प्रयोजक सहप्रयोजक स्वयसेवक र मिडिया पार्टनर हस्पिटालिटी पार्टनर लगायत सबैलाई धन्यवाद दिएका थिए । सो अवसरमा उनले अब चाँडै नै टि–२० क्रिकेट प्रतियोगिताको आयोजना गर्ने पनि जानकारी दिए।