मेलबर्न अष्ट्रेलिया ।

भिक्टोरियाको सिमाना नजिक एक जना प्रहरी अधिकारीको गोली हानी हत्या गरिएको छ। ग्रामीण भेगमा एक हतियारधारीले प्रहरी अधिकारीको हत्या गरेका हुन्। अर्का एक जना घाइते भएका छन्।

एसए प्रहरी आयुक्त ग्रान्ट स्टीभेन्सले ब्रेभेट सार्जेन्ट ५३ ​वर्षीय जेसन डोइगको मृत्यु भएको पुष्टि गरे। २६ वर्षीय हतियारधारीले डोइगलाई गोली हानेको बताइएको छ। ​

भिक्टोरियाको सिमाना नजिक एडिलेडको २४० किलोमिटर दक्षिणपूर्वमा ११ बजेर २० मिनेटमा माइकल हचिन्सन र रिबेका काससँग एक व्यक्तिले बोर्डटाउन नजिकै गोली हानेको स्टीभेन्सले जानकारी दिए।

‘सहकर्मी र प्यारामेडिकहरूले डोइगलाई बचाउने प्रयास गरे तर उनको घटनास्थलमै मृत्यु भयो’,स्टीभेन्सले पत्रकार सम्मेलनमा भने। हचिन्सन, ६९ लाई पनि गोली लागेको छ। २६ वर्षीय संदिग्धलाई प्रहरीले गोली हानेको थियो र ज्यान जोखिममा परेका घाइतेको उपचारका लागि एडिलेड लगिएको छ।