एडिलेड अष्ट्रेलिया ।

नेपालीहरूको महान् चाड बडा दसैँ र तिहारको अवसर पारेर अष्ट्रेलियाको एडिलेडमा ‘दसैँ तिहार फेस्टिभल लाइभ इन कन्सर्ट’ हुने भएको छ। आगामी महिना नोभेम्बर ४ तारिखका दिन एभरेष्ट रेष्टुरेन्ट एण्ड इभेन्ट सेन्टरमा उक्त सांगीतिक कार्यक्रम हुन लागेको हो। 

गिरीश इभेन्ट एण्ड इन्टरटेनमेन्ट र यार्सा इभेन्ट एण्ड इन्टरटेनमेन्टले संयुक्त रूपमा आयोजना गरेको दसैँ तिहार फेस्टिभलमा नेपालका चर्चित कलाकार सुगम पोखरेल र सुदिन पोखरेलले दमदार प्रस्तुति दिने गिरीश इभेन्टका निर्देशक गगन गिरीले जानकारी दिए। उनले कार्यक्रमको हल प्रवेशका लागि २० अस्ट्रेलियन डलर शूल्क तोकिएको बताए। उनले दसैँ तिहार फेस्टिभलमा सहभागीता जनाएर सुगम पोखरेल र सुदिन पोखरेलका गीत लाइभ सुन्दै आनन्द लिन एडिलेडवासी नेपाली गीत संगीतका पारखीहरूलाई आग्रह समेत गरेका छन्। 

साँझ ६ बजेबाट सुरु हुने सांगीतिक कार्यक्रम राति ११ बजेसम्म चल्नेछ । ग्रेस इटरनेशनल एजुकेशन एण्ड माइग्रेशन एडिलेड टाइटल स्पोन्सर रहेको कार्यक्रमलाई कालीकोट ज्वेलरी र एक्सपर्ट एजुकेशन भिजा सर्भिसले सघाएको छ।

दसैँ तिहार फेस्टिभल लाइभ इन कन्सर्ट को टिकट खरिद गर्न यहाँ क्लिक गर्नुहोला।