एडिलेड अष्ट्रेलिया ।

एडिलेडमा आज पहिलो बास्केटबल प्रतियोगिता हुँदैछ। ग्रेस इन्टरनेस्नल माइग्रेसन भिजा सर्भिस टाइटल स्पोन्सर रहेको उक्त प्रतियोगितालाई नेप्लिज एडिलेड बास्केटबलले आयोजना गरेको हो। 

प्रतियोगिताको उपाधि जित्ने टिमलाई तीन हजार अष्ट्रेलियन डलर नगद, मेडल र प्रमाणपत्र पाउने आयोजकले जनाएको छ। यस्तै दोस्रो स्थान प्राप्त गर्नेलाई एक हजार अष्ट्रेलियन डलर नगद, मेडल र प्रमाणपत्रको व्यवस्था गरिएको आयोजकले जनाएको छ। प्रतियोगिताका उत्कृष्ट खेलाडीलाई पनि पुरस्कारको व्यवस्था गरिएको छ। 

मिशेल पार्क स्पोर्टस एण्ड कम्युनिटी हवमा हुने खेल बिहान ८ बजेबाट साँझको ७ बजेसम्म खेलाइने छ।