मेलबर्न, अष्ट्रेलिया ।

कवितालाई संगीतसँग सम्मिश्रण गरेर आफ्नै शैलीमा पस्कदै आएका कवि नवराज पराजुलीको कविता कन्सर्ट मेलबर्नमा सम्पन्न भएको छ।

करिब सयभन्दा बढी दर्शकहरुको उपस्थितिकाबीच उनले दुई घण्टा कविता सुनाए। कवितासँगै उनले आफ्नो अष्ट्रेलिया यात्राको सुरुवातको कथा पनि भने। मन्त्रमुग्ध भएर कविता सुनेका मेलबर्नवासीले दोश्रो पटक उनको कविता कन्सर्ट हेर्न पाएका हुन्।

साहित्य संगीत जमघटको सहकार्यमा सोलाङचरले गत आईतबार ३ सेप्टेम्बरमा आयोजना गरेको कविता कन्सर्टमा उनले आफ्ना चर्चित कविताका साथै नयाँ सिर्जना समेत पस्केका थिए। कवि पराजुलीलाई गायक संगीतकार रिदम कँडेलले साथ दिएका थिए।

कन्सर्टमा पराजुलीले लेखेको सगरमाथाको गहिराई पुस्तक सहभागीहरुलाई प्रदान गरिएको थियो।