काठमाडौँ ।

गीतकार आनन्दराज खनालको नयाँ गीत ‘तिमीले रोजेको मान्छे’ सार्वजनिक भएको छ। खनालको शब्दरचना रहेको गीता दीपक शर्माले संगीत भरेका छन्। सुशान्त गजुरेलले संगीत संयोजन गरेको गीतमा सविन सुवेदी र अनु चौधरीको स्वर रहेको छ।

केशवराज भट्टले निर्देशन गरेको भिडियोमा गीतकार, संगीतकार, संगीत संयोजक, गायक–गायिका सबै फिचर्ड छन्। कसैले रोजेको, खोजेको र चाहेको मान्छेको गुण कस्तो हुन्छ भन्ने कुरा नै गीतको भाव रहेको गीतकार खनालले बताए।

लोक संगीतको उर्वर भूमि तनहुँमा जन्मेका खनालले थुप्रै नेपाली आधुनिक गीत लेखेका छन्। गीत संगीत प्रतिको मोहले गीत लेख्न प्रेरणा मिलेको उनले बताए। खनाल दूर संचार प्राधिकरणका पूर्व निर्देशक पनि हुन्।