ब्रिस्वेन अष्ट्रेलिया ।

लामो समयदेखि अष्ट्रेलियाको ब्रिस्वेनमा बस्दै अएका सर्जक तथा अभिनेता शंकर लामिछानेले तीज गीत ‘श्रृंगार’ ल्याएका छन्। हरेक वर्ष झै यस वर्ष पनि लामिछानेले नेपाली महिला दिदिबहिनीहरुको महान् चाड हरितालिका तीजको अवसर पारेर गीत श्रृंगार सार्वजनिक गरेका हुन्। 

गायक निर्मला बिस्वकर्माले स्वर दिएको गीतमा लामिछानेको शब्द संगीत रहेको छ। तीज गीत ‘श्रृंगार’ शुक्रबार लामिछाने कै अफिसियल युट्युब च्यानलबाट सार्वजनिक गरिएको छ। बिनोद बाजुरेलीले एरेन्ज गरेको गीतको भिडियोलाई निर्देशक कुमार केसीले निर्देशन गरेका छन्। भिडियोमा रुबिना अधिकारी, प्रिया गुरुङ र भतर क्षेत्रीले अभिनय गरेका छन्। 

लामिछाने करिब दुई दशकदेखि अष्ट्रेलियाको ब्रिस्बेनमा बस्दै आएका छन्। विदेशमा रहेर पनि नेपाली गीत संगीतलाई माया गर्ने लामिछाने प्रत्यक वर्ष तीजको अवसर पारेर गीत सार्वजनिक गर्ने गर्दछन्। सर्जक लामिछानेको नेपाल घर पर्वत हो।