मेलबर्न अष्ट्रेलिया ।

अष्ट्रेलिया र न्युजिल्यान्डमा जारी फिफा महिला विश्वकप फुटबलको उपाधिका लागि आज स्पेन र इंग्ल्यान्ड भिड्दै छन्। पहिलो पटक फाइनलमा प्रवेश गरेका यी दुई टोलीबीचको फाइनल खेल सिड्नीस्थित स्टेडियम अष्ट्रेलियामा हुनेछ

सेमिफाइनलमा स्पेनले स्विडेनलाई र इंग्ल्यान्डले आयोजक अष्ट्रेलियालाई पराजित गर्दै फाइनल यात्रा तय गरेका थिए। आयोजक अष्ट्रेलियालाई पराजित गर्दै स्विडेनले तेस्रो स्थान हासिल गरेको छ।

महिला विश्वकपको सर्वाधिक विजेता अमेरिका हो। उसले चार पटक उपाधि जितेको छ। यस्तै, जर्मनीले दुई तथा नर्वे र जापानले एक–एक पटक उपाधि जितेका छन्।