काठमाडौँ ।

प्रधानमन्त्री एवं नेकपा (माओवादी केन्द्र) का अध्यक्ष पुष्पकमल दाहाल प्रचण्डले आइतबारदेखि संसद्को अवरोध हट्ने बताएका छन्।

शनिवार स्व. रामवृक्ष यादवको स्मृति दिवसको अवसरमा पार्टी केन्द्रीय कार्यालय पेरिस डाँडामा श्रद्धाञ्जली अर्पण गर्न पुगेका प्रधानमन्त्री प्रचण्डले यस्तो बताएका हुन्।

“हामीले निरन्तर पहल गर्दै आएको तपाईँहरुलाई थाहा छँदै छ। हिजो मात्रै पनि सभामुखजीसँग बालुवाटार नै उहाँ आउनु भयो र उहाँसँग कुरा भएको छ,” उनले भने, “आज बेलुकासम्म हामी प्रयास बढाउँदै छौँ। आशा छ, भोलि सदन खुल्छ।”

प्रधानमन्त्री दाहालले संसद् अवरोध खुलाउनका लागि आफूले सभामुखसहित प्रमुख प्रतिपक्ष दलका नेता केपी शर्मा ओलीसँग छलफल अघि बढाइरहेको प्रधानमन्त्रीको दाबी छ।