काठमाडौँ ।

ब्राजिलका फरवार्ड नेयमार साउदी प्रो लिग क्लब अल–हिलालमा आबद्ध भएका छन्। फ्रान्सेली च्याम्पियन पेरिस सेन्ट जर्मेनबाट नेयमार करिब ९० मिलियन युरोमा अल–हिलालमा आबद्ध भएका हुन्।

बार्सिलोनाका पूर्व खेलाडी, ३१ वर्षीय नेयमारले युरोपमा धेरै उपलब्धि पाइसकेपछि अब नयाँ ठाउँहरूमा आफूलाई परीक्षण गर्ने बताए।

यो सिजन करिम बेन्जेमा, एनुगोलो कान्टे, जोर्डन हेन्डरसन, रुबेन नेभ्स, साडियो माने र रोबर्टो फिरमिनोजस्ता साउदी अरब गएका छन्। पोर्चुगलका सुपरस्टार क्रिस्टियानो रोनाल्डो गत जनवरीमा म्यानचेस्टर युनाइटेडबाट अल–नासरमा आवद्ध भएका थिए।