मुम्बई ।

बलिवुड फिल्म गदर–२ ले दुई दिनमा ८३ कारोड बढी कमाएको छ। पहिलो दिन ४० करोड कमाएको गादर–२ दोस्रो दिन ४३ कारोड भारु कमाएको भारतीय संचारमाध्यामले जनाएका छन्।

शुक्रबार र शनिबार गरि फिल्मले दुई दिनमा कुल कमाई ८३ करोड १८ लाख भारू गरेको छ। फिल्मले रिलिजको पहिलो साता नै २०० करोडसम्म कमाई गर्न सक्ने अनुमान गरिएको छ।

सन्नी देओल र अमिषा पटेलको प्रमुख भूमिका रहेको गदर–२ ले बलिवुडको बक्स अफिसलाई लयमा फर्काएको विश्वास गरिएको छ। कोरोना महामारीपछि सिनेमा घर खुलेपछि धेरै कम फिल्मले मात्र बक्स अफिसमा सुपरहिटको दर्जा पाएका छन्।

त्यस्तै शुक्रबार नै रिलिज भएको अक्षयकुमारको फिल्म ओएमजी–२ ले पनि रिलिजको दोस्रो दिन शानदार कमाई गरेको छ।ओएमजी२ ले दोस्रो दिन १५ करोड ३० लाख भारु कमाइ गरेको तरण आदर्शले बताएका छन्।

फिल्मले पहिलो दिन १० करोड २६ लाख कमाई गरेको थियो। ओएमजी–२ ले दुई दिनमा २५ करोड ५६ लाख कमाई गरेको छ।