काठमाडौँ ।

पोर्चुगिज सुपरस्टार क्रिस्टियानो रोनाल्डो आवद्ध साउदी अरबको अल नासरले अरब क्लब च्याम्पियन्स कप २०२३ को उपाधि उचालेको छ। गएराति साउदीकै अल हिलाललाई अतिरिक्त समयमा २–१ गोलले हराउँदै नासर च्याम्पियन बनेको हो।

अल नासरका लागि दुवै गोल रोनाल्डोले गरे।

किङ फाद स्टेडियममा खेलको ५१औं मिनेटमा अल हिलालका माइकलले गोल गरेर टिमलाई अग्रता दिलाएका थिए। ७४औ मिनेटमा रोनाल्डोले गोल गर्दै खेललाई १–१ गोलको बराबरीमा ल्याए।

खेलको अतिरिक्त समय ९८औं मिनेटमा रोनाल्डोले गोल गर्दै अल नासरलाई च्याम्पियन बनाए।