काठमाडौँ ।

आर्सनलले एफए कम्युनिटी शिल्डको उपाधि जितेको छ। आइतबार राति वेम्बली स्टेडियममा भएको खेलमा म्यानचेस्टर सिटीलाई पराजित गर्दै आर्सनलले उपाधि कब्जा गरेको हो।

निर्धारित ९० मिनेट तथा थप गरिएको समयमा दुवै टिमले १–१ गोलको बराबरी खेलेपछि पेनाल्टीमार्फत विजेताको टुंगो लागेको थियो। पेनाल्टीमा आर्सनलले सिटीलाई ४–१ ले पराजित गर्‍यो।

त्यसअघि कोल पाल्मरले ७७ औँ मिनेटमा गोल गर्दै सिटीलाई अग्रता दिलाएका थिए। तर १०१ औँ मिनेटमा लियान्ड्रो ट्रोसार्डले आर्सनलका लागि बराबरी गोल गरे।