कामठाडौँ ।

अमेरिकी मेजर सकर लिग क्लब इन्टर मियामी लिग कपको नकआउट चरणमा प्रवेश गरेको छ। समूह ‘जी’ अन्तर्गतको दोस्रो खेलमा एटलान्टा युनाइटेडलाई ४–० ले पराजित गर्दै मियामी लिग कपको नकआउट चरणमा प्रवेश गरेको हो।

मियामीको जितमा अर्जेन्टिनी फुटबल स्टार लियोनल मेस्सी तथा रोबर्ट टेलरले समान २–२ गोल गरे। पहिलो खेलमा मियामीले क्रुज अजुललाई २–१ ले पराजित गरेको थियो।

लिग कपको साउथ तीन समूहमा लगातार दुई खेल जितेपछि इन्टर मियामी समूह विजेता बन्दै अन्तिम ३२ मा प्रवेश गरेको छ। जहाँ इन्टर मियामीले अब लिग कपको साउथ २ समूहको विजेतासँग खेल्नेछ।