काठमाडौँ ।

एसीसी इमर्जिङ टिम्स एसिया कपको उपाधिका लागि आज भारत र पाकिस्तान ‘ए’ भिड्ने भएका छन्। खेल श्रीलंकाको आर प्रेमदासा स्टेडियममा नेपाली समय अनुसार अपराहन्न सवा २ बजेदेखि हुने छ।

भारत र पाकिस्तान दुवै समुह बि मा रहेका थिए। समुह चरणको खेलमा भारत ए ले पाकिस्तान ए लाई पराजित गरको थियो। समुह बि मा भारत ए विजेता र पाकिस्तान ए उपविजेता बनेर सेमिफाइनलमा पुगेका थिए।

सेमिफाइनलमा पाकिस्तान ए ले श्रीलंका ए लाई पराजित गर्दै फाइनलमा पुगेको हो भने भारत ए ले बंगलादेश ए लाई पराजित गर्दै फाइनलमा पुगेको हो।

अहिलेसम्म भारत ले एक पटक इमर्जिङ कपको उपाधि जितेको छ भने पाकिस्तान इमर्जिङ कपको डिफेन्डिङ च्याम्पियन हो। त्यस्तै अहिलेसम्म श्रीलंकाले दुई पटक उपाधि जितेको छ। अहिलेसम्म २०१३, २०१७, २०१८ र २०१९ मा इमर्जिङ कप आयोजना भएको थियो।

आठ टोली सहभागी प्रतियोगितामा नेपाल भारत र पाकिस्तानसँग पराजित हुँदै बाहिरीएको थियो। समूह चरणको अन्तिम खेलमा नेपालले युएईलाई हराएको थियो।