मुम्बई ।

बलिउड अभिनेता शाहरूख खान दुर्घटनामा परेका छन्। अमेरिकास्थित लस एन्जलसमा एक प्रोजेक्टको छायांकन सेटमा उनी दुर्घटनामा परेका हुन्।

दुर्घटनामा परेका शाहरूखको नाकमा चोट लागेको छ। चोट लागेपछि उनलाई नजिकको अस्पताल लगिएको थियो। मंगलबार उनको सामान्य शल्यक्रिया समेत गरिएको भारतीय सञ्चारमाध्यमले जनाएका छन्।

शल्यक्रियापछि शाहरूख आफ्नो घर फर्किएका छन्।

ुएसकेआर लस एन्जसमा एउटा प्रोजेक्टको लागि छायांकन गरिरहेका थिए। उनको नाक दुख्यो। नाकबाट रगत बग्न थालेपछि तुरून्तै अस्पताल लगिएको थियो,ु स्रोतले इटाइम्ससँग भनेका छन्।