मेलबर्न अष्ट्रेलिया ।

गैर आवासीय नेपाली संघ (एनआरएनए) अष्ट्रेलियाको भिक्टोरिया राज्य समितिले फुटसल टुर्नामेन्टको आयोजना गर्ने भएको छ। कँडेल कन्सल्टेन्सीको मूख्य प्रायोजनमा हुन लागेको उक्त फटसल टुर्नामेन्ट जुलाई १ तारिखमा हुन लागेको हो।

अष्ट्रेलियन इन्स्टिच्युट अफ हायर एजुकेशन एजुकेशन पार्टनर रहेको फुटसल टुर्नामेन्टलाई पिरु रेमिटको पनि साथ रहेको छ।

नेपाली समुदायका युवाहरुको चौतर्फी विकासका लागि फुटसल टुर्नामेन्ट पनि एक राम्रो प्लाटफर्म भएको आयोजकले जनाएको छ।

कँडेल कन्सल्टेन्सीका डाइरेक्टर राज कँडेलले विशेष गरी युवाहरूको सशक्तीकरणका लागि लक्षित कार्यक्रमहरूमा प्रायोजन गर्न पाउँदा गर्व लाग्ने भन्दै यस्तो अवसर जुराएकोमा एनआरएनए भिक्टोरियाप्रति आभार प्रकट गरे।

उनले युवा तथा विद्यार्थीहरूलाई सकारात्मक वातावरण प्रदान गर्दै उनीहरूको चौतर्फी विकासमा सहयोग पुग्ने काममा हातेमालो गर्न आफू सदैव तत्पर रहने प्रतिबद्धता जनाए।

यस अघि पनि कँडेल कन्सल्टेन्सीले भिक्टोरियामा रहेर नेपाली समुदायको खेलकुदको विकासका लागि विभिन्न खेलकुदका प्रतियोगितालाई सहयोग गर्दै आएको छ।