काठमाडौँ ।

लोक तथा दोहोरी गायक प्रकाश सपुतमाथि बियर बोतल प्रहार भएको छ। कार्यक्रमको लागि रोमानियामा रहेका गायक सपुतलाई बियरको बोतल प्रहार भएको हो।

समाजिक सञ्जालमा भाइरल भएको भिडियो देखिए अनुसार स्टेजमा परदेशी चलचित्र परदेशीको गीत गाइरहेका प्रकाशमाथि दर्शकहरू रहेको भीडतर्फबाट बियरको बोलत प्रहार भएको देखिन्छ।

सोही भिडियो सेयर गर्दै यतिबेला सामाजिक सञ्जालमा उनका समर्थकले बिरोध गरेका छन्।

बियरको बोतल प्रहार भएपछि गायक सपुत हातले मुख छोप्दै स्टेज छाड्छन्। कार्यक्रमका अतिथि र आयोजक उनको पछिपछि गएको उक्त भिडियोमा देख्न सकिन्छ।