मेलबर्न अष्ट्रेलिया ।

गैरआवासीय नेपाली संघ (एनआरएनए) अष्ट्रेलियाले नयाँ सदस्य बन्न चाहनेहरुको लागि आवेदन दिने समय थपेको छ। एनआरएन अष्ट्रेलियाले एक विज्ञप्ती जारी गर्दे नयाँ सदस्यता लिने र नवीकरण गर्ने समय चार दिन थपेको हो।

जुलाई २९ तारिखका लागि तय गरिएको निर्वाचनका लागि सदस्यता नवीकरण गर्ने र नयाँ सदस्यता लिने समयसिमा सोमबार सकिँदैछ। थपेको समयसिमा अनुसार अब एनआरएनए अष्ट्रेलियाको सदस्य बन्न चाहनेहरुले आगामी २९ जुन मध्यराती ११ः५९ बजेसम्म आवेदन दिन पाउने छन्।

स्मार्ट एनआरएनए मोबाइल एपमा केही समस्या देखिएको र उक्त समस्या समाधान गर्ने काम भइरहेको अध्यक्ष नन्द गुरुङद्वारा जारी विज्ञप्तीमा भनिएको छ।