काठमाडौँ ।

जिम्बाबेमा जारी आईसीसी विश्वकप छनोटमा नेपालका ओपनर कुशल भुर्तेलले टेष्ट राष्ट्र जिम्बाब्वेविरुद्ध शतक बनाउनबाट चुकेका छन्। आक्रामक ब्याटिङ गरिरहेका कुशल ३१.५ ओभरमा मसबाज्दाको बलमा ९९ रन बनाउँदा बोल्ड आउट भएका हुन्।

९५ बलको सामना गरेका कुशलले १३ चौका र २ छक्का मद्दतमा ९९ रन बनाए।

जिम्बाब्वेस्थित हरारे स्पोट्र्स क्लबमा घरेलु टोलीले टस जितेर फिल्डिङ रोजेपछि ब्याटिङ गरेको नेपालले ३२ ओभरको समाप्तीमा १ विकेटको क्षतिमा १ सय ७१ रन बनाएर खेलिरहेको छ।

अर्का ओपनर आशिफ शेख ६६ रनमा नटआउट छन्। तेस्रो नम्बरमा कुशल मल्ल ब्याटिङमा आएका छन्।