मुम्बई ।

चलचित्र आदिपुरुष रिलिज हुनुअघि नै चर्चामा रहेको छ।आउने साता ६५०० स्क्रिनमा रिलिज हुन लागेको यो मेगा फिल्मको फ्यानहरु लामो समयदेखि पर्खिरहेका थिए।

यस्तो अवस्थामा फिल्मको अग्रिम बुकिङ सुरु भएको छ। यो चलचित्रलाई लिएर फ्यानहरुको उत्साह अग्रिम बुकिङबाट मात्रै थाहा पाउन सकिन्छ। बुकिङ खुल्ला भएको मात्र २ दिनमा यस फिल्मको ४५ हजार टिकट बिक्री भएको छ। यो देखेर यो फिल्मले दर्शकको धेरै माया पाउने देखिन्छ।

आइतबारदेखि आदिपुरुषको अग्रिम बुकिङ सुरु भएको हो। त्यसपछि फ्यानले पनि टिकट किन्न ढिला गरेनन्। बक्स अफिस रिपोर्टका अनुसार यो मेगा फिल्मको पिबिआरवाट २१ हजार ५०० टिकट बिक्री भइसकेको छ भने आइनक्समा यो चलचित्रको १४ हजार ५०० टिकट बिक्री भइसकेको छ भने सिनेपोलिसमा ९ हजार टिकट बिक्री भइसकेको छ।

यसरी यो फिल्मका लागि सोमवारसम्म जम्मा ४५ हजार टिकट बिक्री भइसकेको छ। जसलाई उत्कृष्ट सुरुवात मानिएको छ। यसैबीच, बिहीबारको अन्त्यसम्ममा ३ लाख ५० हजार देखि ४ लाख टिकट बिक्री हुने अनुमान गरिएको छ।