मेलबर्न, अष्ट्रेलिया ।

दक्षिण एसियाली खेलकुद (साग) का स्वर्ण पदक विजेता मन्देकाजी श्रेष्ठ अस्ट्रेलियामा सम्मानित भएका छन् । अस्ट्रेलियन ओपन कराते च्याम्पियनसिपमा नेपाली टोली प्रशिक्षकसमेत रहेका मन्देकाजीलाई एनआरएन अस्ट्रेलियाले सम्मान गरेको हो ।

एनआरएन ओसियाना संयोजक दिनेशराज जोशीले एक कार्यक्रमका बिचमा ७ सय अस्ट्रेलियन डलरसहित उनलाई सम्मान गरेका हुन । विदेशी भूमिमा प्राप्त सम्मानले आगामी दिनमा खेलकुदमा राम्रो गर्न हौसला मिल्ने मन्देकाजीले प्रतिक्रिया दिएका छन् ।

सम्मान कार्यक्रममा एआरएन ओसियन संयोजक दिनेशराज जोशी, एनआरएन स्पोर्टस एकेडेमीका सहअध्यक्ष डा‍‍‍. राजु मानन्धर, एनआरएन आइसिसी मिडिया उपसंयोजक हेमन्त काफ्ले, जन सम्पर्क समिति अस्ट्रेलियाका राष्ट्रिय वरिष्ठ उपाध्यक्ष इथान शाक्य लगायतको उपस्थिति थियो ।