मुम्बई ।

पठानको ठूलो सफलतापछि दर्शकको नजर शाहरुख खानको आगामी फिल्म ‘जवान’ र ‘डंकी’ मा परेको छ।

हालै सेयर भएको टिजरमा एक्सन फिल्म जवान आगामी २ जुनमा रिलिज हुने बताइएको थियो। तर, अहिले भिएफएक्समा कामका कारण एट्ली निर्देशित जवानको रिलिज मिति पर सर्ने देखिएको छ।

पिंकभिल्लाको रिपोर्ट अनुसार फिल्मसँग सम्बन्धित एक स्रोतले भन्यो, ‘जवान’ अब जुन २, २०२३ मा रिलिज हुँदैन किनभने सो टोलीलाई फिल्म पूरा गर्न अझै केही समय चाहिने देखिएको छ।’ किनभने तिनीहरू देशको उत्कृष्ट अन्य फिल्मसँग प्रतिस्पर्धा गर्न सक्ने उत्पादनको साथ आउन चाहन्छन्।

जवान फिल्म टोलीले धेरै मितिहरू पुर्नविचार गरिरहेको रिपोर्टहरू आएका छन्, जसमा जुन २९वा अगस्त २५ लाई फाइनल गर्ने भनिएको छ। यद्यपि, आधिकारिक घोषणा भने अझै भएको छैन। रिपोर्टलाई विश्वास गर्ने हो भने ११ अगस्टमा रिलिज हुने गदर र जुन २ मा रिलिज हुने प्रभासको आदिपुरुष जवानको रिलिजका कारण प्रभावित हुन सक्छ ।

सो फिल्ममा शाहरुख खानका साथै नयनतारा, सान्या मल्होत्रा ​​र प्रियमणी मुख्य भूमिकामा रहेका छन्। यसै क्रममा किङ खान यो फिल्मको सुटिङमा अझै व्यस्त रहेका छन् ।