एडिलेड अष्ट्रेलिया । चर्चित गायक राजु लामाको मङ्गोलियन हार्ट र सुजन चापागाँई ब्यान्डले आज एडिलेडमा सांगीतिक प्रस्तुति दिँदैछन् । गिरिश इभेन्ट एण्ड इन्टरटेनमेन्टको आयोजनामा हुने उक्त कार्यक्रम आज ६ः ३० बाट वडभेली टाउन हलमा दुबै ब्यान्डले विषेश सांगीतिक प्रस्तुती दिने भएका हुन् ।

‘राजु लामा एण्ड सुजन चापागाँई ब्यान्ड लाइभ इन एडिलेड’ नाम दिएको उक्त कार्यक्रमको सम्पूर्ण तयारी पुरा भएको गिरिश इभेन्ट एण्ड इन्टरटेनमेन्टका निर्देशक गगन गिरीले जानकारी दिए । उनले लामो समयपछि अष्ट्रेलिया भ्रमणमा रहेको मङ्गोलियन हार्ट र गायक सुजन चापागाँईको ब्याण्डलाई न्याय गरिदिन एडिलेडवासी सम्पूर्ण नेपालीहरुलाई आग्रह गरेका छन् ।

ग्रेस इन्टरनेस्नल एजुकेशन माइग्रेसन टाइटल स्पोन्सर रहेको उक्त सांगीतिक कार्यक्रमको पलाटिनम स्पोन्सर अउसुज ग्रुप रहेको छ । ट्राभल पार्टनर डोको टुर रहेको छ भने कार्यक्रमको प्रर्वद्धन गर्ने जिम्मा जुजु क्रिटिभ स्टुडियोले पाएको छ । मिडिया पार्टनरका रुपमा केबीसी खबर रहेको छ।

३० वर्षअघि सन् १९९२ मा स्थापना भएको यो ब्यान्डबाट चर्चामा आएका गायक हुन्, राजु लामा । लोक, स्लो रक, पप मेलोडी संगीतका लागि प्रिय रहेको यो ब्यान्डको रिदम गितारमा बबी लामा, ड्रममा सन्तोष थापा मगर, लिड गीतारमा किरन नगरकोटी, बेसमा पवन कपाली, बाँसुरीमा विनय महर्जन र मादलमा बाबुराजा महर्जन छन् ।

‘आज हुने कार्यक्रममा मंगोलियन हार्टका बादलपारीको देशबाट’, ‘म माया लाउँदिन’, ‘हल्ला चलेछ’, ‘तिमीलाई देखेर’, ‘पर्खाइमा’, ‘सायद तिम्रो बाटोमा’ आदि गीतहरु गुञ्जिने छन् ।