काठमाडौं ।

प्रमुख तीन दलबीच प्रधानन्यायधीश नियुक्त गर्न संवैधानिक परिषद्को बैठक बोलाउने सहमति भएको छ । सोमवार बालकोटमा बसेको बैठकमा प्रधानन्यायधीश सिफारिस गर्ने सहमति भएको कांग्रेसका प्रमुख सचेतक रमेश लेखकले बताए ।

उनले भने, ‘प्रधानमन्त्रीले संवैधानीक परिषद्को बैठक डाक्ने र प्रधानन्यायधीशको बारेमा निर्णय गरेर अगडी बढ्ने प्रस्ताव राख्नु भयो त्यसमा तीन दलबीच सहमती भएको छ ।’

प्रधानमन्त्री तथा माओवादी अध्यक्ष पुष्पकमल दाहाल प्रचण्ड, कांग्रेस सभापति शेरबहादुर देउवा, एमाले अध्यक्ष ओलीबीच प्रधानन्यायधीश सिफारिस गर्ने सहमति भएको हो ।

टिआरसी विधेयक, संसद सञ्चालन र समिति गठनको विषयमा पनि नेतृत्वबीच सहमति जुटेको उनको भनाई छ ।