होबार्ट अष्ट्रेलिया ।

तास्मानियाको होबार्टमा नेपाली नयाँ वर्षको अवसरमा ‘नेप्लिज न्यू इयर इभ २०८०’ को आयोजना गरिएको छ । एक्सपर्ट एजुकेसन एण्ड भिजा सर्भिसेस तास्मानियाको मुख्या आयोजनामा हुने उक्त कार्यक्रम हल्ला इभेन्टले गर्न लागेको हो । 

होबार्ट स्थित द ग्राण्ड पोबाहमा हुने ‘नेप्लिज न्यू इयर इभ’ मा डिजे, लाइभ म्युजिक, खाना तथा पिय पदार्थको व्यवस्था पनि गरिएको छ । युवाहरूलाई लक्षित गरेर आयोजना गरिएको उक्त कार्यक्रमको टिकट १५ अष्ट्रेलियन डलर तोकिएको छ । 

बिहीबार बेलुका ८ः३० बजेबाट सुरु हुने कार्यक्रममा विभिन्न कलाकारहरुले सांगीतिक प्रस्तुतिसमेत रहने छ भने कार्यक्रम राति अबेरसम्म चल्ने छ । यस पालिको नेपाली ‘न्यू इयर पार्टी’को राम्रो पक्ष भनेको कि मान्छे आउलान त भन्ने ह्यासट्याग रहेको छ । 

नेप्लिज न्यू इयर इभ कार्यक्रमको मुख्य प्रयोजक बन्न पाएकोमा एक्सपर्ट एजुकेसन भिजा सर्भिस तास्मानियाका निर्देशक रसिक श्रेष्ठले खुसी व्यक्त गरे । उनले युवाहरूलाई केन्द्रित गरेर यस्ता खालका पार्टीले युवाहरूबिच एक आपसमा भाइचाराको भावनाको विकास हुनका साथै खुसी साटासाट गर्ने अवसर हुने बताए । यस्ता कार्यक्रमहरूले युवाहरुको मानसिक स्वास्थ्यमा पनि सहयोग गर्ने श्रेष्ठले बताए । एक्सपोर्ट एजुकेसन भिजा सर्भिसले तास्मानियाका विभिन्न सामाजिक, खेलकुद तथा मनोरञ्जनका क्षेत्रमा लामो समयदेखि सहयोग गर्दै आएको छ । 

हल्ला इभेन्ट तास्मानियाका संयोजक नविन श्रेष्ठले विगतका वर्षहरूमा झैँ यो वर्ष पनि ‘नेप्लिज न्यू इयर इभ’ लाई निरन्तरता दिएको बताए । उनले यस कार्यक्रममा विगतको झैँ होबार्टमा रहेका नेपालीवासीहरुको उल्लेखनिय उपस्थिति रहनेमा आफू विश्वस्त रहेको बताए । 

तास्मानियमा यस अघि विभिन्न कार्यक्रमहरु सफल्ता पूर्वक सम्पन्न गरिसकेको हल्ला इभेन्टलाई एक्सपोर्ट एजुकेसन भिजा सर्भिसेसको साथ रहँदै आएको छ ।

कार्यक्रममा सहभागी हुन १८ वर्ष पुरा भएको फोटोसहितको प्रमाणपत्र आवश्यक गरिएको छ । टिकटका लागि यहाँ क्लिक गरेर पनि खरिद गर्न सकिने छ ।