एडिलेड, अष्ट्रेलिया ।

चर्चित गायक राजु लामाको मङ्गोलियन हार्ट र सुजन चापागाँई ब्यान्डले अप्रिल ९ मा एडिलेडमा गर्ने भनिएको सांगीतिक कार्यक्रम सरेको छ । गिरिश इभेन्ट एण्ड इन्टरटेनमेन्टको आयोजनामा हुने उक्त कार्यक्रम अब आगामी अप्रिल ३० तारिख आइतबार हुने भएको छ ।

केही आन्तरिक र प्राबिधिक तयारी नपुगेकाले कार्यक्रम सार्नु परेको गिरिश इभेन्ट एण्ड इन्टरटेनमेन्ट निर्देशक गगन गिरीले जानकारी दिए । उनले यो विशुद्ध सांगीतिक कार्यक्रम भएकाले मङ्गोलियन हार्ट र गायक सुजन चापागाँईको ब्याण्डसँगै रमाइलो गर्न समयमै टिकट खरिद गरी आफ्नो सिट सुरक्षित राख्न पनि गरेका छन् ।

ग्रेस इन्टरनेस्नल एजुकेशन माइग्रेसन टाइटल स्पोन्सर रहेको उक्त सांगीतिक कार्यक्रमको पलाटिनम स्पोन्सर अउसुज ग्रुप रहेको छ । ट्राभल पार्टनर डोको टुर रहेको छ भने कार्यक्रमको प्रर्वद्धन गर्ने जिम्मा जुजु क्रिटिभ स्टुडियोले पाएको छ । मिडिया पार्टनरका रुपमा केबीसी खबर रहेको छ।  कार्यक्रममा सहभागी हुन १८ वर्ष पुरा भएको फोटोसहितको प्रमाणपत्र आवश्यक गरिएको छ ।

कार्यक्रममा सहभागी हुनका लागि यहाँ क्लिक गरेर टिकट खरिद गर्न सकिने छ ।