ब्रिस्वेन अष्ट्रेलिया ।

अनुप थापाले निर्माण गरेको सर्ट फिल्म अशुद्ध को निर्माण सम्पन्न भएाको छ । थापाकै लेखन तथा निर्देशनमा रहेको फिल्म अशुद्ध प्रदर्शनको तयारीमा रहेको छ । फिल्म अशुद्धमा सलोन बस्नेत मेनुका प्रधान, रुविना थापा, उषा भण्डारी, अन्जुल कटवाल, दिनेश कोइराला र विष्णु राईलगायतले अभिनय गरेका छन् । 

भूतप्रेत, आत्मा र वनझाँक्री र दाजुभाईबीचको द्वन्द्वलाई कथाबस्तु बनाएको फिल्म अशुद्ध अष्ट्रेलियामा पनि प्रदर्शनमा आउने छ । फिल्म अशुद्ध नेपाली र अङ्ग्रेजी (आई एम प्योर)दुवै भाषामा निर्माण हुने जानकारी दिए । विकसित देशमध्येको एक अष्ट्रेलियामा रहेका थापाले नेपालको अन्धविश्वासलाई कथा बस्तुमार्फत अन्तर्राष्ट्रिय फिल्म फेस्टिभलमा पनि लगिने बताए। 

निर्माता थापाका यसअघिका सर्ट फिल्म कस्तुरी, ‘थ्यांक यु फर बिइङ अ फ्रेन्ड’ ले विभिन्न देशका प्रतिष्ठित सर्ट फिल्म फेस्टिभलमा सहभागी भएर पुरस्कार जितेका छन् ।

उनले सर्ट फिल्म राम्रो बनेकाले अष्ट्रेलिया प्रदर्शनमा सबैले हेरेर प्रतिक्रिया दिन आग्रह गरेका छन् । निर्देशक थापा अष्ट्रेलियाको ब्रिस्वेनमा बस्दै आएका छन् ।