मुम्बई ।

भोजपुरी अभिनेत्री आकांक्षा दुबेले आत्महत्या गरेकी छन्। उनले बनारसको सोमेन्द्र होटलमा झुण्डिएर आत्महत्या गरेको भारतीय सञ्चारमाध्यामले जनाएका छन् । बाल्यकालदेखि नै थियो अभिनयको शौक भएकी आकांक्षा भोजपुरी इन्डष्ट्रिकी चर्चित अनुहार थिइन् ।

आकांक्षाले ‘वीरों के वीर’ र ‘कसम पैदा करने वाले की २’ नामका फिल्ममा अभिनय गरेकी थिइन्। नायिकाले आत्महत्या गर्नुको कारण भने खुलेको छैन ।

तीन वर्षको उमेरमा आमाबुवासँग मुम्बई गएकी आकांक्षाले १७ वर्षको उमेरमा भोजपुरी सिनेमामा कदम राखेकी थिइन् ।

उनको मृत्युले भोजपुरी फिल्म उद्योगमा ठूलो धक्का लागेको उद्योगका सरोकारवालाहरूले बताएका छन् । आकांक्षालाई उनका बाबु आईपीएस अफिसर बनाउन चाहन्थे । बुबाको चाहान विपरित उनको चाहना नृत्य र अभिनयमा थियो। उनको यहि रुचिलाई उनका बुवाले पनि सम्मानका साथ स्वीकार गरेका थिए ।

आज २६ मार्चमा नै भोजपुरी अभिनेता पवन सिंहसँग उनको नयाँ गीत रिलिज भएको छ । यो गीतको नाम ‘आरा कभी हारा नहीं’ रहेको छ ।